பரபரப்பான செய்திகளை வைத்து கவிதை எழுதாதீர்கள் – வால்ட் விட்மன் பெற்ற அறிவுரை

இதை எல்லாம் தமிழாக்கம் செய்வது  இந்த ஜன்மத்தில் முடியாது-

OFFICE OF THE ATLANTIC MONTHLY
BOSTON,
Oct. 10, 1861. MR. WALT WHITMAN—
BROOKLYN, N.Y.

Dear Sir:—We beg to inclose to your address, in two envelopes, the three poems with which you have favored us, but which we could not possibly use before their interest,—which is of the present,—would have passed. Thanking you for your attention,

We are, Very truly yours,
EDITORS OF ATLANTIC MONTHLY.

கடிதம் இங்குள்ளது – The Walt Whitman Archive

வழி – Lithub

அன்புள்ள ஐயா

தங்கள் முகவரிக்கு
இரண்டு உறைகள் அனுப்புவது குறித்து
தங்களை இறைஞ்ச அனுமதியுங்கள்

அவற்றில்
தாங்கள் எங்களுக்குச் சலுகையாய் அளித்த
மூன்று கவிதைகள் உள்ளன.

அவற்றின் பேசுபொருள்-
சமகாலத்துக்குரியது-
அதில் ஆர்வம் குறையும்வரை

அவற்றைப் பயன்படுத்திக் கொள்வது
எங்களுக்கு சாத்தியப்படாது.
தங்கள் ஆதரவுக்கு நன்றி.

பிழைக்கத் தெரியாதவர்கள்.

Advertisements

சமகால சத்திய சோதனைகள்

நேற்று மற்றுமொரு முறை வாட்சப் கணக்கு முடித்துக் கொண்டு செயலியை அப்புறப்படுத்தினேன். இதற்கு முன் பலமுறை இப்படிச் செய்திருக்கிறேன். தொடர்பு கொள்ளவும் தகவல் பரிமாறிக் கொள்ளவும் வாட்சப் மிக அவசியமாக இருக்கிறது என்பதால் சில காலம் சென்றபின் ஏதோ ஒரு அவசரத்தின் பொருட்டு அதை மீண்டும் நிறுவியிருக்கிறேன். இனி எப்படி என்று தெரியவில்லை.

இம்முறை இதைச் செய்ய வேறு எதையும்விட முக்கிய காரணம்  வாட்சப் மூலம் அழைத்த ஒருவரிடம் மிக ஆத்திரமாகவும் கீழ்த்தரமாகவும் சண்டை போட்டதுதான். அழைப்பின் நல் நோக்கங்கள் உரையாடலில் மறந்து விட்டன, மீண்டும் சந்திக்கும்போது எப்போதும்போல்தான் பேசிக் கொள்ளப் போகிறோம், அது வேறு விஷயம். ஆனால் நமக்கெல்லாம் இது தேவையா என்று தோன்றுகிறது.

சிவபெருமான் திருத்தொண்டர்களை சோதனைக்கு உட்படுத்தி ஆட்கொண்டார் என்பது எல்லாருக்கும் தெரியும். என்ன, ஒரு முறை அல்லது இரண்டு அல்லது மூன்று முறை அவர் ஒவ்வொருவரிடம் அப்படி விளையாடியிருக்கலாம். அதுவே பெரிய விஷயமாக பாடப்படவும் சிலைகள் எழுப்பி வழிபடவும்  காரணமாகிறது. அது போல் ஒவ்வொரு நாளும் தொடர்ந்து அவர் செய்து கொண்டிருந்திருந்தால் எத்தனை நாயன்மார்களால் தாங்கிக் கொண்டிருந்திருக்க முடியும்? நிரந்தர நோட்டீஸில் இருப்பது மிகவும் கடினமான விஷயம். வாட்சப் மட்டும்தான் என்றில்லை, சமூக ஊடக உரையாடல்கள் ஒவ்வொரு பரிமாற்றத்திலும் நாம் யாரென்ற கேள்வி எழுப்பி நம்மை நிரூபிக்கச் சொல்கின்றன. நாம் பெரும்பாலும் தோற்றுப் போகிறோம் (என்னளவில் இது முழு உண்மை)- உறவுகளிடையே இடைவெளி அதிகரிக்கிறது, கசப்பும் வன்மமும் மீண்டும் மீண்டும் விதைக்கப்படுகிறது, தனிமை அதிகரிக்கிறது, குழு மனப்பான்மை வளர்த்துக் கொள்கிறோம், நம்மையே நமக்கு பிடிக்காமல் போகிறது, நாம் நடந்து கொள்ளும் விதத்தை நாமே வெறுக்கிறோம்.

ஒருவர் உண்மையாகவே தன்னை சத்திய சோதனைக்கு அன்றாடம் உட்படுத்திக் கொள்ளத் தயாராக இருப்பார் என்றால் அவருக்கு சமூக ஊடகங்கள் மிகப் பெரிய வரம். காந்தி இன்று உயிரோடு இருந்தால் அவர் பெரிஸ்கோப்பில் இருப்பார் என்று நினைத்துப் பார்ப்பது உண்டு. இருபத்து நான்கு மணி நேரமும் ஒளிவு மறைவில்லாமல் அவர் தன்னை, தனது சந்திப்புகளை, தனது கருத்துகளை, தனது ஆலோசனைகளை லைவ் ஸ்ட்ரீம் செய்து கொண்டிருக்கக்கூடும். அவரது உன்னதம் நாளுக்கு நாள் கூர் தீட்டப்பட்டு அவர் மனித வரலாற்றில் வேறெப்போதும் இல்லாத அளவு பல பரிமாணங்களில் மிகப் பெரிய ஆன்ம உயரங்களை எட்டியிருக்கவும் கூடும்.

ஆனால் நானெல்லாம் காந்தியல்ல. நான் நடந்து கொள்ளும் விதத்தை எதிர்கொள்ளும் துணிச்சல் எனக்கு இல்லை. சோதனைகளுக்கு உட்படுத்தப்படுவதைவிட சுருட்டிப் படுத்துக் கொண்டிருப்பதே சுகமாக இருக்கிறது. சமூக ஊடகங்கள் நம் முகத்தைப் பிரதிபலிக்கும் கண்ணாடி போன்றவை என்றால் ஒவ்வொரு கண்ணாடியாக உடைத்துக் கொண்டிருக்கிறேன், இன்னும் இன்னும் இருட்டான அறையை நோக்கி உரையாடச் செல்கிறேன்.